ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

BREAKING NEWS: ក្រសួងកសិកម្មថានឹងស្វែងរកយុត្តិធម៌ជូនមន្ត្រីខ្លួនឲ្យបានពាក់ព័ន្ធនឹងការឃាត់មន្ត្រីរបស់ក្រសួងដោយអាជ្ញាធរអាមេរិក

  • ចុះផ្សាយថ្ងៃទី១៧ ខែវិច្ឆិកា ឆ្នាំ២០២២ ម៉ោង ២០:៣៤ នាទី ដោយ Hun Sirivadh
  • 1709
  Aa |   aA

ភ្នំពេញ៖ ក្រសួងកសិកម្មថានឹងប្រឹងប្រែងស្វែងរកយុត្តិធម៌ជូនមន្ត្រីរបស់ខ្លួនដែលត្រូវបានអាជ្ញាធរអាមេរិកឃាត់ខ្លួននិងចោទប្រកាន់ថាបានរត់ពន្ធសត្វស្វាទៅអាមេរិក។ 

ក្នុងសេចក្ដីប្រកាសព័ត៌មានចុះថ្ងៃទី១២ ខែវិច្ឆិកា ឆ្នាំ២០២២នេះ ក្រសួងកសិកម្ម រុក្ខាប្រមាញ់ និងនេសាទ បានសំដែងនូវការហួសចិត្តដែលអាជ្ញាធរអាមេរិកឃាត់ខ្លួនប្រធាននាយកដ្ឋានសត្វព្រៃនិងជីវៈចម្រុះ នៃរដ្ឋបាលព្រៃឈើ លោក គ្រី ម៉ះផល និងបានចោទប្រកាន់ប្រធានរដ្ឋបាលព្រៃឈើកម្ពុជា លោក កែវ អូម៉ាលីស្ស ថាបានផ្សំគំនិតក្នុងការរត់ពន្ធសត្វស្វាក្ដាមទៅសហរដ្ឋអាមេរិក។

ក្រសួងកសិកម្មបញ្ជាក់ថា ការនាំចូលសត្វស្វាក្ដាមទៅអាមេរិកគឺទទួលបានច្បាប់អនុញ្ញាតត្រឹមត្រូវពីប្រទេសនេះហើយក្រុមហ៊ុននាំចូលក៏អនុវត្តតាមនីតិវិធីរបស់សហរដ្ឋអាមេរិកដែរ។ 

ក្នុងសេចក្ដីប្រកាសនោះក្រសួងកសិកម្មបានលើកឡើងថា៖ «សត្វស្វាក្ដាមត្រូវបានចិញ្ចឹមនៅកម្ពុជាតាំងពីឆ្នាំ២០០៥ មកម៉្លេះ ហើយត្រូវបាននាំចេញសម្រាប់គោលដៅវេជ្ជសាស្ត្រជាពិសេសសម្រាប់ដំណាក់កាលពិសោធន៍ដើម្បីផលិតឱសថវ៉ាក់សាំងឬគ្រឿងសំអាង។ សត្វស្វាក្ដាមទាំងនេះមិនមែនត្រូវបានចាប់ពីព្រៃហើយបញ្ជូនចេញទៅក្រៅប្រទេសនោះទេ»។ 

ក្រសួងក៏បានបញ្ជាក់ដែរថា នៅកម្ពុជាមានកសិដ្ឋានចិញ្ចឹមសត្វស្វាក្ដាមហើយដែលទទួលបានការទទួលស្គាល់តាមផ្លូវច្បាប់និងគោរពតាមបទដ្ឋានអនាម័យនិងវិធីសាស្រ្តចិញ្ចឹមត្រឹមត្រូវ ដើម្បីរក្សាឲ្យបាននៅហ្សែនរបស់វាមិនឲ្យផុតពូជនោះឡើយ។ 

ក្រសួងកសិកម្មបានការពារលើមន្ត្រីរបស់ខ្លួននិងប្រកាសប្រឹងប្រែងឲ្យអស់ពីលទ្ធភាពដើម្បីស្វែងរកយុត្តិធម៌ជូនពួកគេ ជាពិសេសអ្នកដែលបំពេញកាតព្វកិច្ចផ្លូវការតំណាងប្រទេស ស្របតាមអនុសញ្ញាអន្តរជាតិ។ 

គួរឲ្យដឹងផងដែរថា ប្រធាននាយកដ្ឋានសត្វព្រៃនិងជីវៈចម្រុះនៃរដ្ឋបាលព្រៃឈើលោក គ្រី ម៉ះផល កាលពីថ្ងៃទី១៦ ខែវិច្ឆិកា ត្រូវបានអាជ្ញាធរអាមេរិកឃាត់ខ្លួននៅអាកាសយានដ្ឋាន ចន អ្វេហ កេណ្ណេឌី នៅក្នុងទីក្រុងញូវយ៉កសហរដ្ឋអាមេរិក អំឡុងពេលលោកកំពុងរង់ចាំបន្តដំណើរទៅចូលរួមកិច្ចប្រជុំអនុសញ្ញាការពារសត្វនិងរុក្ខជាតិជិតផុតពូជ CITES នៅប្រទេសប៉ាណាម៉ា៕ 


ព័ត៌មានជាច្រើនទៀតសម្រាប់អ្នក